Ilinniarsimasat isertitanut sunniutaat
Naatsorsueqqissaartarfimit isertitat pillugit kisitsisitigut paasissutissiarineqartartoq annertusineqarpoq, maanna ilinniarsimasat isertitanut sunniutigisartagaat isertitat pillugit kisitsisitigut paasissutissani takuneqarsinnaalerpoq. Tupaallaatigineqarpallaasagunanngilaq isertitaqarnerurusukkaani ilinniarsimasuunissap pingaaruteqarnera.
2014-imi ilinniaqqissimasut (ass. ilinniartitsisut, tusagassiortut aamma nakorsat) agguaqatigiissillugu 464.000 kr.-inik isertitaqarsimapput, meeqqat atuarfiannik naammassinnissimasut 159.000 kr.-inik isertitaqarsimasut. 2014-imi inuussutissarsiutinik ilinniagaqarsimasut (ass. HK-assistentit, sanasut aamma terminalarbejderit) agguaqatigiissillugu 293.000 kr.-inik isertitaqarsimapput.
Paasissutissani pineqarput Kalaallit Nunaanni najugaqavissut (ukioq naallugu Kalaallit Nunaanni najugaqarsimasut) 14-inik ukioqalereersimasut. Nammineerluni immersugassanit paasissutissat tunngavigalugit isertitat suliarineqarput, isertitat nalunaarutigineqarsimasut tamarmik taakkununnga ilaapput – suliaqarnermi isertitatut nalunaarutigineqasimasut kisimik pineqanngillat. Tassa aningaasarsiat pineqanngillat isertitalli pineqarlutik.
Tabeli 1. 2014-imi agguaqatigiissillugu inuit isertitaat najugaqarfinnut, suiaassutsinut qaffasinnerpaamillu ilinniarsimasamut immikkoortillugit (1.000 kr.)
|
Najoqqutaq: Kisitsisaataasivik http://bank.stat.gl/INNP8 |
Tabeli 2. 2014-imi agguaqatigiissillugu inuit isertitaat inunngorfinnut, suiaassutsinut qaffasinnerpaamillu ilinniarsimasamut immikkoortillugit (1.000 kr.)
|
|
Kalaallit Nunaanni inunngorsimasut |
Kalaallit Nunaata avataani inunngorsimasut |
||
|
|
Angutit |
Arnat |
Angutit |
Arnat |
|
Katillugit............................ |
207 |
175 |
494 |
344 |
|
Meeqqat atuarfiat ...................... |
168 |
130 |
342 |
182 |
|
Ilinniarnertuutut ilinniarneq.............. |
223 |
154 |
506 |
384 |
|
Inuussutissarsiutinik ilinniarneq............ |
290 |
239 |
510 |
321 |
|
Qaffassarluni pikkorsissarneq.............. |
200 |
172 |
.. |
.. |
|
Ingerlaqqilluni ilinniarnerit............... |
450 |
367 |
661 |
471 |
|
Najoqqutaq: Kisitsisaataasivik http://bank.stat.gl/INNP8 |
Titartagaq 1. 2014-imi agguaqatigiissillugu inuit isertitaat ukiunut aamma qaffasinnerpaamik ilinniarsimasanut immikkoortillugit
|
Najoqqutaq: Kisitsisaataasivik http://bank.stat.gl/INNP8 |
Kisitsisit nutaat Naatsorsueqqissaartarfiup kisitsisaataasivianut filimut ataatsimut aaneqarsinnaapput, kisitsisit nammineq ilusilersorlugit tabelinngortinneqarsinnaapput. Tabelit qulaani takutinneqartut taamaaliornikkut kisitsisaataasivimmit tigusaapput, linki una atorlugu: http://bank.stat.gl/INNP8.
Paasissutissanut najoqqutat aamma periutsit pillugit itinerusumik paasisaqarusuttut linkimut uunga innersuunneqarput: www.stat.gl/IND201501/m1.
Paasissutissanik allanik piniartunit Naatsorsueqqissaartarfiup pisortaa Anders Blaabjerg saaffigineqarsinnaavoq oqarsuaat una atorlugu 34 57 81 imaluunniit Søren W. Børgensen kisitsisitigut paasissutissalerinermik siunnersorti emalerfigalugu uunga: swbo@stat.gl.